काठमाडौं, २० फागुन । सत्तारुढ दल नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले अर्का अध्यक्ष एवं प्रधानमन्त्री केपी शर्मा ओलीको शीघ्र स्वास्थ्यलाभको कामना गरेका छन् ।
अध्यक्ष दाहालले प्रधानमन्त्रीको मिर्गौला प्रत्यारोपणको सफलताको पनि कामना गरेका छन् । प्रधानमन्त्री ओली मिर्गौला प्रत्यारोपणका लागि सोमबार शिक्षण अस्पताल महाराजगन्जमा भर्ना भएका छन्। उनको बुधबार दोश्रो पटक मिर्गौला प्रत्यारोपण गरिँदै छ ।
यसअघि प्रधानमन्त्री ओलीलाई पूर्वराजा ज्ञानेन्द्र शाहले पनि स्वास्थ्यलाभको कामना गरेका छन् । उनले आफ्नो पूर्व प्रमुख सचिवमार्फत शुभकामना सन्देश प्रवाह गरेका छन् ।
भारतीय प्रधानमन्त्री नरेन्द्र मोदीले समेत एक सन्देश पठाएर स्वास्थ्यलाभको कामना गरेका छन् । उपराष्ट्रपति नन्द बहादुर पुनले त भेटेरै स्वास्थ्यलाभको कामना गरिसकेका छन् । उनी हिजो (सोमबार) अपरान्ह प्रधानमन्त्रीको सरकारी निवास बालुवाटार पुगेर प्रधानमन्त्रीलाई भेटेका थिए । file photo
