काठमाडौं, २२ फागुन । नेपालका लागि भारतका राजदूत विनय मोहन क्वात्राले आज राष्ट्रपति विद्यादेवी भण्डारी समक्ष आफ्नो ओहदाको प्रमाणपत्र पेश गरेका छन् । उनले आज राष्ट्रपति भवन शितलनिवासमा ओहदाको प्रमाणपत्र पेश गरेका हुन् ।
नेपालका लागि भारतका २५ औं राजदूतका रुपमा क्वात्रालाई भारत सरकारले नियुक्त गरेको हो । उनी यसअघि फ्रान्सका लागि भारतका राजदूत थिए ।
यसैगरी, राजदूत क्वात्राले आजै उपराष्ट्रपति नन्दबहादुर पुनसँग भेटवार्ता गरेका छन् । उपराष्ट्रपति पुनसँग उनकै निवासमा भेटवार्ता गरेका हुन् । भेटमा द्धिपक्षीय हितका विषयमा कुराकानी भएको बुझिएको छ ।
