ललितपुर, २५ फागुन । यात्रुवाहक बसले मोटरसाइकललाई ठक्कर दिंदा एकजना गम्भीर घाइते भएका छन् । आज साँझ इमाडोल कृष्ण मन्दिर चोकमा विपरित दिशामा आएको मोटरसाइकललाई बा २ ख ५६६६ नम्बरको बसले ठक्कर दिएको हो ।
मोटरसाइकल चालक घाइते भई उपचारका लागि लगिएका छन् । बस चालकले अचानक आफूतिर मोटरसाइकल हुत्तिएर आएपछि ब्रेक हानेका थिए । मोटरसाइकल चालकलाई पाटन अस्पताल लगिएको बुझिएको छ ।
पछिल्लो समय इमाडोल क्षेत्रमा बाटो विस्तार भएपनि अव्यवस्थित भएको, मुख्य सडकमा जथाभावी सामान राख्ने र सवारी साधन तिव्र गतिमा चलाउने गरेबाट दुर्घटना बढेको छ ।
तस्बिर स्रोतः बिनोद केसी
