दिल कुमार आले मगर, भक्तपुर, फागुन २८ । पूर्व सञ्चारमन्त्री गोकुल बाँस्कोटाको घरमा बम विस्फोट भएको छ । भक्तपुरस्थित मध्यपुरठिमी नगरपालिका–१ मनोहरामा रहेको उनको घरमा बुधबार बिहान बम विस्फोट भएको भक्तपुर प्रहरीले जनाएको छ ।
विस्फोटबाट बाँस्कोटाको घरमा बन्दै गरेको पर्खाल भत्किनुकासाथै झ्यालका सिसाहरु फुटेका छन् । ठूलो आवाजसहित भएको बिस्फोटबाट छिमेकीको घरका झ्यालका सिसामा समेत क्षति पुगेको प्रहरीले जनाएको छ । त्यस्तै, विस्फोटस्थल नजिकै रहेको मारुती कारमा समेत क्षतिपुगेको जनाइएको छ । उक्त घटनाको पुष्टि अहिले सम्म भएको छैन ।उक्त घटनाको आशंका बिप्लव समुहमाथि लगाईएको छ । बम विस्फोट कसले र किन भन्नेबारे अनुसन्धान भइरहेको भक्तपुर प्रहरीले जानकारी दिएको छ।
तस्बिर : दिल कुमार आले मगर/reportersnepal
