काठमाडौं, २८ फागुन । राष्ट्रिय प्रजातन्त्र पार्टी राप्रपाका अध्यक्ष कमल थापाले आफूले कहिल्यैपनि पार्टी नफुटाउनेृ घोषणा गरेका छन् । आज (बुधबार) काठमाडौंको राष्ट्रिय सभागृहमा राप्रपा र राप्रपा संयुक्त एकता घोषणा सभा सम्बोधन गर्दै अध्यक्ष थापाले यस्तो बताएका हुन् ।
उनले भने,‘पार्टीलाई माया गर्ने साथीहरूलाई साक्षी राखेर प्रतिज्ञा गर्दछौं, म कहिल्यै पनि पार्टी फुटाउने छैन। तपाईंहरूलाई विश्वास लागेन? मैले गीता ल्याएको छु। यो गीता हातमा राखेर म भन्छु, राप्रपा फुट्दैन। पार्टी फेरि फुट्छ कि भन्ने आशंका धेरै साथीहरूमा छ। यसलाई मैले अस्वभाविक ठानेको छैन। विगतमा फुटको श्रृंखलाबाट गुज्रदै आएको हुँदा कार्यकर्ताहरूमा निराशा छ । आशंका छ। दुविधा छ। हामी नेतृत्वमा रहेकाहरूले निराकरण गरेर जानुपर्छ।’ उनले पार्टी एकता सम्पन्न नहुँदै फेरि फुट्छ कि भनेर आशंका गर्नु गलत हुने तर्क गरे । file photo
