काठमाडौं, २९ फागुन । पर्यटनमन्त्री योगेश भट्टराईकी पत्नी विन्दा घिमिरे नर्सिङ काउन्सिलकी रेक्टर हुन् । काउन्सिलले नर्सिङको लाइसेन्सको परीक्षा लिन्छ । पछिल्लो समय लाइसेन्समा ठूलो चलखेल हुने गरेको विषय बाहिर आउने गरेको छ ।
घिमिरेको नाम बेचेर जीता बरालले साँढे दुई लाख रुपैयाँ घुस लिएको विषय बाहिर आएको छ । बरालले फेसबुक मेसेन्जरमा घुस मागेको रेकर्ड छ । बराल काउन्सिलकी सदस्य हुन् । सदस्यमा उनको नाम दशौं नम्बरमा छ । एक युवतीलाई नर्सिङ काउन्सिलको लाइसेन्स परीक्षामा उत्तीर्ण गराइदिने भनी घुस लिइसकेको विषय समावेश छ । जसमा बरालले घिमिरेले रजिष्टारसँग कुरा मिलाइदिने भनेकी छिन् ।
यसैगरी, बिन्दा घिमिरेले आफूलाई घुस प्रकरणमा मुछेको भन्दै प्रहरीमा उजुरी दिने तयारी गरेकी छिन् । यस प्रकरणलगत्तै पर्यटनमन्त्री योगेश भट्टराईले गल्ती नगरेको र नगर्ने भन्दै फेसबुकमा लेखेका छन् । उनले षड्यन्त्र भएको समेत उल्लेख गरेका छन् ।
