काठमाडौं, २ चैत । मासु पसलमा जुवातास खेलिरहेको अवस्थामा ६ जनालाई प्रहरीले पक्राउ गरेको छ ।
काठमाडौं, नागार्जुन नगरपालिका भिमढुङ्गास्थित दिपकराज भट्टराईको मासु पसलमा जुवातास खेलिरहेको अवस्थामा धादिङ गजुरीका नागार्जुन नगरपालिका बस्ने लिला बहादुर तामाङ लगायत ६ जनालाई नगद २६ हजार ७ सय र १२ बुक तास सहित शनिबार दिउँसो प्रहरीले पक्राउ गरेको हो ।
महानगरीय प्रहरी वृत्त स्वयम्भूबाट खटिएको प्रहरीले उनीहरुलाई पक्राउ गरेको हो ।
त्यस्तै कास्की, पोखरा महानगरपालिका भानुमार्ग स्थित प्रेम बहादुर कार्कीको घरमा जुवातास खेलिरहेको अवस्थामा सोही महानगरपालिका फुलवारी बस्ने चक्र बहादुर गुरुङ लगायत ८ जनालाई ४३ हजार ९ सय ८५ रुपैयाँ र ४ बुक तास सहित शनिबार साँझ प्रहरीले पक्राउ गरेको छ । वडा प्रहरी कार्यालय रामबजारबाट खटिएको प्रहरीले उनीहरुलाई पक्राउ गरेको हो ।
यस सम्बन्धमा स्थानीय प्रहरीले थप अनुसन्धान गरिरहेको जनाएको छ ।
