मकवानपुर, २ चैत । चाँदीका विभिन्न गहना सहित एकजनालाई शनिबार दिउँसो प्रहरीले पक्राउ गरेको छ ।
हेडौंडाबाट नवलपरासी गैंडाकोट बस्ने कृष्ण रसैलीलाई अवैध रुपमा लिएर हिँडेको चाँदीका विभिन्न तयारी गहना करिब ३ किलो ६० ग्राम सहित शनिबार दिउँसो प्रहरीले पक्राउ गरेको हो ।
उक्त ठाउँमा शंकास्पद रुपमा हिँडिरहेका कृष्णको साथबाट ईलाका प्रहरी कार्यालय नेवारपानीबाट खटिएको प्रहरीले जाँच गर्ने क्रममा उक्त चाँदी फेला पारी पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको जनाएको छ ।
