स्याङजा, ३ चैत्र । हिजो राती स्याङ्जा जिल्लामा परेको आँधी,चट्याङसहितको भीषण असिना पानीले आशिंक रुपमा जिल्लाको सबै भागलगायत उत्तरी भागको फेदिखोला गाँउपालिकाको साविक आरुखर्क गाविस वरिपरि घरपालुवा पशु, तरकारी,फलफूललगायत सम्पूर्ण बालि नालीमा व्यापक क्षति पुराएको छ ।
मानवीय कुनै क्षति नभएता पनि आँधी र चट्याङको त्रसित वातावरणमा स्थानीयका घर र गोठ्हरुमा ठूलो क्षति पुगेको छ भने जमिनमा रहेका असरल्ल असिनाले, हिउँको रुपलिदै जमिनभन्दा माथि दुई फिटको उचाई आज दिउसो सम्म रहेको स्थानीयले बताएका छन् ।
