सर्लाही, ३ चैत । अवैध लागूऔषध गाँजा सहित २ जनालाई आइतबार दिउँसो प्रहरीले पक्राउ गरेको छ । लालबन्दी नगरपालिका लखनदेही खोलाबाट अवैध लागूऔषध गाँजा ११ किलो सहित प्रहरीले पक्राउ गरेको हो ।
पक्राउ पर्नेहरुमा महोत्तरी, महोत्तरी गाउँपालिका पर्सा बस्ने सुनिल यादव र सोही ठाउँ बस्ने राम प्रताप यादव रहेका छन् । ईलाका प्रहरी कार्यालय नवलपुरबाट खटिएको प्रहरीले ज.३ प ६०४५ नम्बरको मोटरसाइकललाई जाँच गर्ने क्रममा उक्त लागूऔषध गाँजा सहित फेला पारी मोटरसाइकल चालक सुनिल र मोटरसाइकलमा सवार रामलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको जनाएको छ ।
