काठमाडौं, ६ चैत्र । त्रिभुवन विश्वविद्यालय र लोकसेवा आयोगले चैतभरी लिने सम्पूर्ण परीक्षा स्थगित गरेका छन् । आज विज्ञप्तिमार्फत् परीक्षा स्थगित गरेको जानकारी दिएका हुन् ।
त्रिविले अर्को सूचना जारी नभएसम्मका लागि परीक्षा स्थगित भएको जानकारी दिएको हो । लोकसेवा आयोगले पनि परीक्षा अर्को सूचना जारी गरी मिति तोक्ने जानकारी दिएको हो । त्रिविको चैतभर धेरैवटा परीक्षा तोकिएको थियो ।
यसअघि सरकारले कोरोना भाइरसको जोखिमलाई दृष्टिगत गरी सबै परीक्षा स्थगित गर्ने निर्णय गरेको थियो । हिजो नै एसईई परीक्षा स्थगितको जानकारी दिइएको थियो ।
