बाग्लुङ, ६ चैत । श्रीमतीलाई धारिलो हतियार प्रहार गरी हत्या गरेको अभियोगमा प्रहरीले एकजनालाई पक्राउ गरेको छ । ५० वर्षीया गौरा बिकलाई धारिलो हतियार प्रहार गरी हत्या गरेको अभियोगमा ढोरपाटन नगरपालिका गाल्डुङ बस्ने ६२ वर्षीय देबिराम बिकलाई प्रहरीले पक्राउ गरेको हो ।
देबिरामले मादकपदार्थ सेवन गरी श्रीमतीलाई प्रहार गर्दा गौरीको घटनास्थलमै मृत्यु भएको भन्ने खबर प्राप्त हुनासाथ ईलाका प्रहरी कार्यालय बुर्तिबाङ र प्रहरी चौकी ढोरपाटनबाट खटिएको प्रहरीले देबिरामलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।
