पर्सा, ६ चैत्र । अवैध लागूऔषध ३८ केजी गाँजा बुधबार राति प्रहरीले बरामद गरेको छ । वीरगंज महानगरपालिका बगही टोलबाट अवैध लागूऔषध गाँजा ३८ केजी प्रहरीले बरामद गरेको हो ।
प्रहरी चौकी परवानीपुरबाट खटिएको प्रहरीले ना.२५ प ८४८१ नम्बरको मोटरसाइकलमा ल्याउँदै गरेको अवस्थामा फेला पारी उक्त लागूऔषध गाँजा बरामद गरेको हो । उक्त मोटरसाइकलमा सवार व्यक्तिहरु हाल फरार रहेकाले प्रहरीले खोजी गरिरहेको छ । यस सम्बन्धमा प्रहरीले थप अनुसन्धान भइरहेको बताएको छ ।
