एजेन्सी, ७ चैत्र । अमेरिकामा कोरोना भाइरसको संक्रमण निकै फैलिएको छ । त्यहाँ साँढे दुई करोड मानिस संक्रमित हुनसक्ने अनुमान गरिएको छ ।
क्यालिफोर्नियाका गभर्नरले ग्याभिन न्युसमले कुल जनसंख्याको आधाभन्दा बढी संक्रमित हुनसक्ने पत्र अमेरिकी राष्ट्रपति डोनाल्ड ट्रम्पलाई पठाएका थिए । बुधबार उनले पठाएको पत्रबारे यस्तो तथ्यांक पेश गरेको सीएनएनले जनाएको छ ।
यसलगत्तै क्यालिफोर्नियाले चार करोड मानिसलाई घरबाट ननिस्कन निर्देशन जारी गरेको छ । बिहिबारबाट लागू हुने निर्देशन अर्को सूचना जारी नभएसम्मका लागि लागू हुनेछ । यो अमेरिकामा पहिलोपटक कुनै राज्यले जारी गरेको निर्देशन हो । क्यालिफोर्नियामा अहिलेसम्म ९०० संक्रमित भउको र ९० जनाको ज्यान गएको तथ्यांक छ ।
