काठमाडौं, ७ चैत्र । कोरोना भाइरसको संक्रमणबाट विश्वभर साँढे दश हजार मानिसको मृत्यु भइसकेको छ । आज समेत थपिएको मृतकको संख्यासहित हालसम्म १०५४० मानिसको मृत्यु भएको हो ।
विश्वभर दुई लाख ५६ हजार मानिस संक्रमित भइसकेका छन् । आजै झण्डै १२ हजार नयाँ बिरामीको तथ्यांक आएको छ । आजै ५१२ जनाको मृत्यु भएको छ ।
चीनबाट उत्पत्ति भई फैलिएको कोरोना भाइरसको संक्रमण विश्वका १६९ देशहरु पगिसकेको छ । कतिपय देशहरुले लकडाउन गरेका छन् । आवागमनमा कडाई गरिएको छ ।
