काठमाडौं, ८ चैत्र । कोरोना भाइरस विश्वभर महामारी बनेर संकट बढेपछि लाखौं नेपाली नागरिक भारतको नाकाबाट नेपाल प्रवेश गर्न थालेका छन् । केही दिनयता लाखौंको संख्यामा नेपालीहरु देशभित्र प्रवेश गरिरहेको दृश्य देख्न सकिन्छ ।
ठूलो संख्यामा नेपाली प्रवेश गर्न थालेपछि चेकजाँचमा समेत समस्या देखिएको बुझिएको छ । कञ्चनपुरको गड्डाचौकी भएर नेपाल प्रवेश गर्नेहरुको ठूलो भीड देखिएको छ ।
रक्सौलबाट वीरगञ्ज हुँदै प्रवेश गर्ने, भैरहवा नाका, विराटनगर र काकडभिट्टा नाकाबाट पनि नेपालीहरु प्रवेश गरिरहेका छन् ।
