कोलोम्बिया, चैत १० । जेलभित्र कोरोनाभाइरसको संक्रमण फैलिएको हल्लापछि त्रासका कारण भागदौड हुँदा २३ जनाको मृत्यु भएको छ ।
भागदौडकै क्रममा ८० जना भन्दा बढि कैदी घाइते भएका छन् । अन्र्तराष्ट्रिय समाचारहरुमा जनाइए अनुसार देशका अन्य भागमा रहेका कयौ जेलमा समेत जेलबाट भाग्न खोजेका घटनाहरु भईरहेका छन् ।
देशकै सबैभन्दा ठूलो ला मोडेलो कारागारामा रहेका कैदीबिच भागदौड मच्चिदा ठुलो संख्यामा कैदीले ज्यान गुमाउनुपरेको बीबीसीले उल्लेख गरेको छ ।
स्थितिलाई नियन्त्रणमा लिन खोज्दा जेलमा कार्यरत सात जना सुरक्षाकर्मीसमेत घाइते भएका छन् । त्यहाँको सरकारले हालसम्म कुनैपनि कैदि बन्दिमा रोगको संक्रमण नदेखिएको दाबी गरेको छ ।
