काठमाडौं, १० चैत्र । सरकारले भोलि देखि अत्यावश्यक सेवा बाहेकको अवस्थामा घरबाहिर निस्कन प्रतिबन्ध लगाएको छ । ११ चैत्रको विहान ६ बजे देखि लागू हुने गरी लगाइएको रोक १८ चैत्रसम्म लागू गरिनेछ ।
आन्तरिक उडान पनि बन्द गरिएको छ । यसअघि बाह्य उडान बन्द गरेपनि आन्तरिक उडान सुचारु थियो । अबको एक हप्ता आन्तरिक उडान सञ्चालन हुनेछैन ।
कोरोना भाइरसको रोकथाम योजना अनुसार यस्तो कदम चालिएको सरकारका प्रवक्ता डा. युवराज खतिवडाले जानकारी दिएका छन् ।
