काठमाडौं, १२ चैत्र । नेपालमा अहिलेसम्म तीनजनामा कोरोना भाइरसको संक्रमित भेटिएका छन् । तीनैजना विदेशबाट आएको तथ्य खुलेको छ ।
पहिलो संक्रमित चीनबाट आएका विद्यार्थी थिए । उनीबारे दुई महिना अगाडि नै जानकारी आएको थियो । चीनमा अध्ययनका लागि फर्किएका उनी संक्रमित भेटिएपछि उपचार भई घर फर्किइसकेका छन् ।
अर्की १९ वर्षीया किशोरी फ्रान्सबाट कतार हुँदै काठमाडौं आएकी थिइन् । उनको संक्रमण १० चैत्रमा पत्ता लागेको थियो ।
अर्का व्यक्ति धादिङ स्थायी घर भएका हुन् । उनी ५ चैत्रमा दुबईबाट काठमाडौं आएका थिए । उनलाई काठमाडौं रिफर गरिएपछि शुक्रराज ट्रपिकल तथा सरुवा रोग अस्पतालमा १० चैत्रमा भर्ना भएका थिए । उनको परीक्षणको रिपोर्ट आज आएको थियो ।
संक्रमित भेटिएका तीनैजना विदेशबाट आएका पर्नु र विमानस्थलको चेकजाँच पार गर्नुले हेलचेक्राईं भएको देखिन्छ ।-File Photo
