एजेन्सी, १४ चैत्र । भारतीय प्रधानमन्त्री नरेन्द्र मोदीले बेलायती प्रधानमन्त्री बोरिस जोन्सनलाई लडाकु भन्दै कोरोना भाइरसविरुद्ध लडाईं जित्नसक्ने बताएका छन् । आज जोन्सनलाई कोरोना भाइरस संक्रमण भएको सार्वजनिक भएपछि ट्वीटरमा स्वास्थ्यलाभको कामना समेत गरेका छन् ।
बोरिस जोन्सनले आफूलाई कोरोना भाइरस संक्रमण भएको ट्वीट गरेपछि रिट्वीट गर्दै मोदीले भने, तपाइं लडाकु हुनुहुन्छ र यो लडाईं जित्नुहुनेछ । उनले जोनसनको स्वास्थ्यलाभका अलावा स्वस्थ बेलायतको समेत कामना गरेका छन् ।
