एजेन्सी, २० चैत्र । अमेरिकाको युद्धक विमान वाहक नौसैनिक जहाजमा कोरोना भाइरस फैलिएको छ । युएसएस थियोडोर रुजवेल्ट नामको जहाजमा एक सयजना नौसैनिकलाई संक्रमण भइसकेको छ ।
युद्धक विमानमा कोरोना भाइरसको संक्रमण फैलिएपछि त्यसमा रहेका झण्डै तीन हजार भन्दा बढी संख्यामा रहेका नौसैनिकलाई उद्धार भइरहेको छ । सीएनएनले पेन्टागनको भनाई उदृत गर्दै एक हजार नौसैनिकलाई उद्धार गरिसकिएको जनाएको छ । जहाजमा २७ सय नौसैनिक रहेको उल्लेख छ ।
जहाज पूरै भने खाली गर्न मिल्दैन । केही नौसैनिक जहाजमै रहने बुझिएको छ । त्यसमा पाँच सय नौसैनिक रहनेछन् । जहाजमा हतियार, युद्धक विमान, आणविक पावर प्लान्ट रहेकोले त्यसको सुरक्षाका लागि पनि सैनिक रहनुपर्ने भनिएको छ ।
