काठमाडौं, २१ चैत्र । प्रधानमन्त्री केपी शर्मा ओलीले देशवासीको नाममा पूनः सम्बोधन गरेर सरकारले कोरोना रोकथाम तथा नियन्त्रणको लागि चालेको कदमबारे जानकारी गराउने भएका छन् । परराष्ट्रमन्त्री प्रदीप ज्ञवालीले प्रधानमन्त्री ओलीले छिट्टै कोरोनाबारे सरकारले चालेको कदम र आगामी रणनीति सार्वजनिक गर्न देशवासीको नाममा सम्बोधन गर्ने तयारी भएको जानकारी दिए ।
त्यस्तै, उनले कोरोना भाइरस (कोभिड-१९) को रोकथाम तथा नियन्त्रणको लागि सरकारले लगाएको लकडाउन सफल भएको बताएका छन् । आज राति प्राईम टाईम्स टेलिभिजनबाट प्रशारण हुने जनता जान्न चाहन्छन् कार्यक्रममा पत्रकार ऋषि धमलासँग कुरा गर्दै मन्त्री ज्ञवालीले यस्तो बताएका हुन् ।
उनले भनेका छन्,”सरकारले लगाएको यो लकडाउन सफल भयो । यो लम्बिन सक्छ । तर, खुकुलो हुँदैन् । उनकाअनुसार ईट्टाभट्टामा काम गर्ने, ठूला ठूला जलबिद्युत आयोजना, मेलम्ची खानेपानी आयोजनालगायतका केही महत्वपूर्ण परियोजनाहरु चलाउन दिईने तर अरु सबै बन्द गरिनेछ ।”उनले कोरोनाविरुद्ध लड्नको लागि लकडाउन उत्तम विकल्प भएकोले सरकारले यो कदम चालेको पनि स्पष्ट पारे ।
त्यस्तै, उनले विदेशमा रहेका नेपालीलाई तत्काल नेपाल ल्याउन नसकिनेपनि स्पष्ट पारे । उनले भनेका छन्,”अहिलेको अवस्थामा जो जहाँ जहाँ हुनुहुन्छ, तपाईहरु त्यहीँ बस्ने हो । तर, अहिले नेपाल फिर्ता ल्याएर राख्न सकिँदैन् । भारतबाट आएकाहरुलाई पनि ल्याउन सकिँदैन् । उनीहरुपनि त्यहीँ बस्नुपर्छ ।” file photo
