एजेन्सी, २२ चैत्र । अमेरिकामा कोरोना भाइरसबाट मृत्यु हुनेको संख्या बढिरहेको छ । गत २४ घन्टामा संक्रमणबाट १३ सयभन्दा बढीको मृत्यु भइसकेको छ ।
संक्रमित र मृत्यु हुनेको संख्या दुवै बढेपछि त्यहाँ त्रास उत्पन्न भएको छ । अमेरिकामा हालसम्म ७ हजार ३ सय ९१ को मृत्यु भइसकेकोमा गत २४ घन्टामा १३ सय २० जनाको मृत्यु भएको तथ्यांक छ ।
विश्वमा सबैभन्दा बढी संक्रमित देश पनि अमेरिका भएको छ । त्यहाँ २ लाख ७७ हजार मानिस संक्रमित भइसकेका छन् ।
यसैगरी, अमेरिकी राष्ट्रपति डोनाल्ड ट्रम्पले वैज्ञानिकहरुलाई छिटोभन्दा छिटो भ्याक्सिनको आविष्कार गर्न भनिरहेका छन् । उनले कोभिड १९ बारे जानकारी लिइरहेका छन् ।
