गुल्मी, २८ चैत्र । हत्या गरेको अभियोगमा एकजनालाई शुक्रबार बिहान प्रहरीले पक्राउ गरेको छ । आफ्नै बुबा ४६ वर्षीय टेक बहादुर कुमाललाई ढुङगाले हानी हत्या गरेको अभियोगमा ईस्मा गाउँपालिका पालुखाका अर्जुन कुमाललाई पक्राउ गरेको हो ।
अर्जुनले आफ्नै बुबालाई ढुङगाले हानी हत्या गरेको भन्ने खबर प्राप्त हुनासाथ जिल्ला प्रहरी कार्यालय गुल्मी र प्रहरी चौकी हस्तीचौरबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।
