काठमाडौं, २९ चैत्र । सरकारले कोरोना रोकथाम तथा नियन्त्रणको लागि आगामी २०७७ साल बैशाख ३ गतेसम्म लकडाउन लगाएको छ । यो अवधिमा देशका सबै शीर्ष नेताहरु होम क्वारेन्टिनमा छन् । यो अवधिमा नेताहरुले परिवारलाई समय दिने, नयाँ नयाँ पुस्तक पढ्ने र सिनेमा हेरेर दिन काटेका समाचार आईरहेका छन् । तर, प्रमुख प्रतिपक्षी दल नेपाली कांग्रेसका प्रभावशाली नेता प्रकाशमान सिंह भने घरको काममा सघाउईरहेका छन् । सिंह परिवारले आज घरमै मःम बनाउने तयारी गरेको छ । जसको लागि परिवारका सदस्यहरु जुटिरहेको सिंहकी पत्नी सिर्जनाले हालेको भिडियोबाट प्रष्ट हुन्छ ।
आम नेपाली पुरूष घरको कामगर्नलाई विदेशीनु पर्रो वा डेरामा पढ्न बस्नुपर्यो.. तर मेरो अनुभव..घरमा?महिला पुरूष बराबर काम गरेको देखेको चाक्सिवारीमै हो..यो सब मंगलाआमाको ट्रेनिंग हो..छोराछोरी बराबर..प्राय नत्र भाषणमा एउटा ब्यवहारमा अर्कों हुन्छन् #hiddentalent #homequarantine #family pic.twitter.com/vMhAMLrrpy
— Sirjana Singh (@Sirjana_Singh) April 11, 2020
सिंहले आफ्नो ट्विटरमा नेता सिंह मःम बनाउँदै गरेको सानो भिडियो क्लिप हालेकी छिन् । उनले लेखेकी छिन्,”आम नेपाली पुरूष घरको काम गर्नलाई विदेशीनु पर्रो वा डेरामा पढ्न बस्नुपर्यो । तर मेरो अनुभव घरमा । महिला पुरूष बराबर काम गरेको देखेको चाक्सिवारीमै हो । यो सब मंगलाआमाको ट्रेनिंग हो । छोराछोरी बराबर । प्राय नत्र भाषणमा एउटा ब्यवहारमा अर्कों हुन्छन् ।”
