सिन्धुली, ३ वैशाख । खुकुरी प्रहार गरी घाइते बनाएको अभियोगमा मान बहादुर वाईबालाई मंगलबार दिउँसो प्रहरीले पक्राउ गरेको छ । धारिलो हतियार खुकुरी प्रहार गरी सम्धी र सम्धीनीलाई घाइते बनाएको अभियोगमा घ्याङलेख गाउँपालिका अपजसेका वाईबा पक्राउ परेका हुन् ।
वाईबाले आफ्नी छोरीलाई हेला गरेको बिषयलाई लिएर सम्धी र सम्धीनी नाता पर्ने २ जनालाई खुकुरी प्रहार गर्दा घाइते भएको भन्ने खबर प्राप्त हुनासाथ प्रहरी चौकी रामपुरबाट खटिएको प्रहरीले उनलाई पक्राउ गरेको हो । घाइते दुवै जनाको धुलिखेल अस्पतालमा उपचार भइरहेको छ । यस सम्बन्धमा प्रहरीले आवश्यक अनुसन्धान गरिरहेको जनाएको छ ।
