मकवानपुर, ३ बैशाख । गाई काटेको अभियोगमा ६ जनालाई बुधबार बिहान प्रहरीले पक्राउ गरेको छ । हेटौंडा उपमहानगरपालिका सिमपानीबाट गाई काटेको अभियोगमा ६ जना पक्राउ परेका हुन् ।
पक्राउ पर्नेहरुमा सोही ठाउँ बस्ने सुरज लामा, दिल बहादुर थिङ, सुब्बा सिं वाईवा, हरी स्याङतान, बिर बहादुर थिङ र चन्द्र बहादुर घिसिङ रहेका छन् । ईलाका प्रहरी कार्यालय पशुपतिनगरबाट खटिएको प्रहरीले उनीहरुलाई पक्राउ गर्नुका साथै यस सम्बन्धमा आवश्यक अनुसन्धान गरिरहेको जनाएको छ ।
