रुपन्देही, १५ वैशाख । लाठी प्रहार गरी हत्या गरेको अभियोगमा २ जनालाई आइतबार राति प्रहरीले पक्राउ गरेको छ । लाठी प्रहार गरी मायादेबी गाउँपालिकाका राम नेवास लोधको हत्या गरेको अभियोगमा २ जना पक्राउ परेका हुन् ।
पक्राउ पर्नेहरुमा सोहीका प्रमेश्वर धोबी र राजमन लोध भन्ने केदार लोध रहेका छन् । सामान्य विवादको क्रममा उनीहरुले लाठीले प्रहार गर्दा गम्भीर घाइते भएका राम नेवासको मेडिकल कलेज भैरहवामा उपचारको क्रममा मृत्यु भएको हो । घटनाको खबर प्राप्त हुनासाथ ईलाका प्रहरी कार्यालय सूर्यपुराबाट खटिएको प्रहरीले प्रमेश्वर र केदारलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।
