वार कि पार हुने भनिएको नेकपा बैठकमा कस्को तयारी के

काठमाडौं, १७ वैशाख । आज नेपाल कम्युनिस्ट पार्टी सचिवालय बैठकमा ९ नेताहरु आ आफ्नो तयारीका साथ बालुवाटार पुगेका छन् । अधिकांश नेताहरु विना मास्क नै बैठकमा बसेका छन् ।

सचिवालय सदस्यहरु ईश्वर पोखरेल र रामबहादुर थापा बादलले मात्र मास्क लगाएका छन् । बाँकी सदस्यहरु कडा रुपमा प्रस्तुत हुने गरी विना मास्क पुगेका छन् । सबैले खुट्टामा भने स्वास्थ्य सुरक्षाका लागि कवज लगाएका छन् ।

वैशाखको मध्य भइसक्दा पनि जाडो नघटेकाले नेताहरु ज्याकेट र बाक्लो कोटमा छन् । वरिष्ठ नेता माधवकुमार नेपाल नीलो हाफ ज्याकेटमा पुगेका छन् । झलनाथ खनाल खैरो कोट र रातो हाफ स्वेटरमा देखिन्छन् । सधैझै उनी कापी र कलम लिएर तयारीका साथ टेबुलमा बसिरहेका छन् ।

उपाध्यक्ष वामदेव गौतमका लागि कापी र कलम महत्वपूर्ण देखिएको छैन । उनी हात बाँधेर नेताहरुको बोली सुन्दै गरेको देखिन्छन् । आज गौतमको तयारी कडा नै रहेको बुझिएको छ ।

आजको सचिवालय बैठक वार कि पारमा जाने गरी एउटा टुंगोमा पुग्ने आँकलन गरिएको छ । प्रधानमन्त्री केपी शर्मा ओली निकटस्थहरुलाई अब वार कि पारमा जानुपर्ने हुनसक्ने भन्दै तयार हुन भनेका छन् ।-Photo Source: PM’s Press Advisor