काठमाडौं, २० बैशाख । सत्तारुढ दल नेपाल कम्युनिष्ट पार्टी (नेकपा) को सचिवालय बैठक अहिले केही बेरमा सुरु हुँदैछ । यसअघि ४ बजे बस्ने भनिएको बैठक साँढे ५ बजेलाई सारिएको थियो । बैठकमा सहभागी हुन नेकपाका अध्यक्ष तथा पूर्व प्रधानमन्त्री पुष्पकमल दाहाल प्रचण्ड बालुवाटार प्रवेश गरिसकेका छन् ।
हाम्रा सहकर्मी मुकुन्द कालिकोटेका अनुसार अध्यक्ष दाहाल केही बेर अघिमात्रै बालुवाटार प्रवेश गरेका हुन् । यता, सचिवालय बैठक सुरु हुनुअघि प्रधानमन्त्री केपी शर्मा ओलीद्धारा आज रचित बन्छ नमूना नेपाल नामक नयाँ कविता सार्वजनिक गरिएको छ । प्रधानमन्त्री ओलीका प्रेस सल्लाहकार सूर्य थापाले उक्त कविता फेशबुकमार्फत सार्वजनिक गरेका हुन् ।
