कैलाली, २३ वैशाख । धारिलो हतियार प्रहार गरी घाइते बनाएको अभियोगमा टीकाराम चौधरीलाई मंगलबार बिहान प्रहरीले पक्राउ गरेको छ । छिमेकीलाई धारिलो हतियार बन्चरो प्रहार गरी घाइते बनाएको अभियोगमा जानकी गाउँपालिकाका चौधरीे पक्राउ परेका हुन् ।
टीकारामले छिमेकी ६० वर्षीय पुरुष र उनकै श्रीमतीलाई बन्चरो प्रहार गर्दा घाइते भएको भन्ने खबर प्राप्त हुनासाथ प्रहरी चौकी अमरावतीबाट खटिएको प्रहरीले उनलाई पक्राउ गरेको हो । घाइते दुवै जनाको लालरत्न अस्पताल लम्कीमा उपचार भइरहेको छ ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।
