पर्सा, २४ वैशाख । अवैध रुपमा ल्याउँदै गरेको औषधि सहित ३ जनालाई मंगलबार राति प्रहरीले पक्राउ गरेको छ । वीरगंज महानगरपालिकाका प्रभाकर साह लगायत ३ जना भारतबाट नेपालतर्फ अवैध रुपमा ल्याउँदै गरेको विभिन्न औषधिहरु सहित पक्राउ परेका हुन् ।
बिन्दवासिनी गाउँपालिका अमरपट्टीमा ३ वटा मोटरसाइकलमा चामलको बोरामा राखेर लुकाई छिपाई ल्याउँदै गरेको विभिन्न प्रकारका औषधि ३ सय १० थान र ईन्जेक्शन २५ थान सहित प्रहरी चौकी अमरपट्टीबाट खटिएको प्रहरीले उनीहरुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।
