काठमाडौं, बैशाख २६ । काठमाडौंको रविभवनमा कार र मोटरसाइकल एक आपसमा ठोक्किँदा एक जनाको मृत्यु भएको छ । शुक्रबार बिहान सवा ७ बजे २१ च ४३४७ कार र बा ७२ प ८१७२ नम्बरको मोटरसाइकल एक आपसमा ठोक्किएका थिए ।
कार नेपाली सेनाका लेफ्टिनेन्ट कर्णेलले चलाएका थिए । दुर्घटनामा मोटरसाइकल चालक मोरङ घर भएका २३ वर्षीय टीकाराज गेलालको घटनास्थलमै मृत्यु भएको छ ।
कार चालक कलंकी स्युचाटारका ३९ वर्षीय लेफ्टिनेन्ट कर्णेल शिखर जबरा रहेका छन् । उनी आर्मी हेडक्वाटरमा कार्यरत रहेका छन । उनी कार्यालयतर्फ आउदै गर्दा दुर्घटना भएको जनाइएको छ । मृतक गेलाल कालिमाटीबाट मासु लिएर कलंकि फर्किँदै गर्दा दुर्घटनामा परेका हुन् ।
