काठमाडौं, २८ वैशाख । नेपालमा कोरोना भाइरसको संक्रमित संख्या ११० पुगेको छ । आज स्वास्थ्य तथा जनसंख्या मन्त्रालयले एकजना संक्रमित थपिएको पुष्टि गरेको हो ।
मन्त्रालयका अनुसार नयाँ संक्रमित ४३ वर्षीया महिला हुन् । उनी उदयपुरको भुल्के निवासी हुन् । उदयपुरको भुल्केस्थित मस्जिदमा यसअघि संक्रमितको सम्पर्कमा आएकी ती महिलाको कोशी अस्पताल विराटनगरमा परीक्षणका क्रममा संक्रमण पत्ता लागेको हो ।
उदयपुरको भुल्के नेपालमा कोरोना भाइरसको केन्द्रबिन्दु बनेको छ । त्यहाँ ३० भन्दा बढी कोरोना संक्रमित भेटिइसकेका छन् ।
