काठमाडौ, २८ बैशाख । नेपाली चलचित्रका पुराना नायक सरोज खनाल कोरोना भाइरसको संक्रमणकै बखत अमेरिका फर्किए । अमेरिकाले आफ्ना नागरिकलाई विशेष विमानबाट फिर्ता लाँदा उनी पनि फर्किएका थिए ।
त्यसो त उनी अमेरिकाको लामो बसाई पश्चात नेपाल फर्किएर कुखुराको व्यवसाय गर्दै आएका थिए । खनालको सबै परिवार अमेरिकामा भएकोले लकडाउनको समयमा अमेरिका फर्किएर आराम गरिरहेका छन् । उनी आफ्नो विगत सम्झँदै बसेका छन् ।
आफूले खेलेको नेपाली चलचित्र सम्झेर अमेरीकामा दिन बिताइरहेका छन् । उनले कृष्टि मैनालीसँग खेलेको चलचित्रमा आफ्नो छोरा पनि अभिनय गरेको उल्लेख गरेका छन् । कृष्टि मात्र नभई सरोजका दुवै छोरा अमेरिकामा छन् ।
