कास्की, ३१ वैशाख । विभिन्न हातहतियार तथा मृगको मासुसहित चार जना मंगलबार साँझ प्रहरीले पक्राउ परेका छन् । पोखरा महानगरपालिका बिनेरीकुनाबाट भरुवा बन्दुक १ थान, सोको गोली १ थान, म्याग्जिन १ थान र मृगको मासु ६ केजी सहित ४ जनालाई पक्राउ गरेको हो ।
पक्राउ पर्नेहरुमा पोखरा महानगरपालिका बिनेरीकुनाका आईते पोडे, राजकुमार पोडे,सरल न्यौपाने र गणेश गौतम रहेका छन् ।आईतेको घरमा मृग मारेको भन्ने खबर प्राप्तहुना साथ ईलाका प्रहरी कार्यालय शिशुवाबाट खटिएको प्रहरीले उनको घर तलासी गर्ने क्रममा उनीहरुलाई मृगको मासु भाग लगाईरहेको अवस्थामा फेलापारी पक्राउ गरेको हो । साथै आईतेको घरबाट लुकाई छिपाई राखेको उक्त हातहतियार समेत प्रहरीले बरामद गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।
