रुकुम(पूर्व), ४ जेठ । अवैध रुपमा लगाएको अफिम शनिबार बिहान प्रहरीले नष्ट गरेको छ । पुथाउत्तरगंगा गाउँपालिका अङगाउँमा अन्दाजी ३.५ रोपनी जग्गामा अवैध रूपमा लगाएको अफिम नष्ट गरेको हो । प्रहरी चौकी जाङबाट खटिएको प्रहरीले स्थानीय बासिन्दाको सहयोगमा उक्त अफिम नष्ट गरेको हो ।
यसैगरी रुकुम (पूर्व), पुथाउत्तरगंगा गाउँपालिका मुडारस्थित फलबाङ जंगलमा अन्दाजी ९ रोपनी जग्गामा अबैध रुपमा लगाएको अफिम शनिबार बिहान प्रहरीले नष्ट गरेको छ । ईलाका प्रहरी कार्यालय रन्मामैकोट र प्रहरी चौकी हुकामबाट खटिएको प्रहरीले उक्त अफिम नष्ट गरेको हो । यस सम्बन्धमा स्थानीय प्रहरीले आवश्यक अनुसन्धान गरिरहेको जनाएको छ ।
