काठमाडौं, ७ जेठ । सुरक्षाकर्मीमा कोरोना भाइरस फैलन थालेको छ । फिल्डमा अहोरात्र खटिने सुरक्षाकर्मीमा संक्रमण धमाधम फैलन थालेको हो ।
महानगरी प्रहरी वृत्त कालिमाटीका दुईजना प्रहरीलाई कोरोना भाइरसको संक्रमण पुष्टि भएको छ । लगत्तै कालिमाटी प्रहरीमा सम्पर्कमा आएकाहरुलाई आइशोलेशनमा राखिएको छ ।
कालिमाटी प्रहरी वृत्त सिल गरिएको छ । त्यहाँ अन्य क्षेत्रबाट नियमित काम बढाइएको बुझिएको छ ।
यसअघि राजधानीबाहिर नेपाल प्रहरीका कर्मचारीमा कोरोना भाइरसको संक्रमण देखिएको थियो । राजधानीभित्र नेपाल प्रहरीमा पहिलोपटक संक्रमण पत्ता लागेको छ ।
सशस्त्र प्रहरीमा भने भक्तपुर घर भई नेकपा नेता भीम रावलको सुरक्षामा खटिएका जवानमा संक्रणण पत्ता लागेको थियो । नेपाली सेनामा पनि राजधानीबाहिर मात्र संक्रमण पत्ता लागेको थियो ।
