काठमाडौं, जेठ १६ । मुलुकमा कोरोना भाइरस संक्रमितको संख्या सातापिच्छे दोब्बरले बढेको छ । स्वास्थ्य तथा जनसंख्या मन्त्रालयका प्रवक्ता डा। विकास देवकोटाका अनुसार बिहीबार एकैदिनमा कोरोनाका १ सय ५६ नयाँ संक्रमित थपिएपछि कुल संख्या १ हजार ४२ पुगेको छ ।
गत शुक्रबार ५ सय १६ जनामा संक्रमण पुष्टि भएकामा ठीक एक सातापछि बिहीबार यो संख्या दोब्बर बनेको हो । अघिल्लो साता २ सय ५८ जनामा संक्रमण पुष्टि भएको आजको कान्तिपुर दैनिकमा खवर छ ।
