काठमाडौं, जेठ २२ । अस्पताल बसाईको क्रममा संक्रमित बनेकि कपिलवस्तु ६ बर्षिय बालिका कोरोना संक्रमणबाट मुक्त भएकी छन । वैशाख ३० महाराजगञ्जस्थित त्रिभुवन विश्वविद्यालय शिक्षण अस्पतालमा भर्ना भएकी उनलाई अस्पताल बसाईका क्रममा संक्रमण देखिएको थियो ।
श्वासनलीमा मासु पलाएका कारण शल्यक्रियाका लागि अस्पतालको नाक, कान तथा घाँटी विभागमा भर्ना भएकी उनको कोरोना परिक्षणको रिपोर्ट पोजेटिभ देखिएपछि अस्पतालकै आइसोलेसन राखेर उपचार गरिएको थियो।
जेठ १२ र १७ गते गरिएका पीसीआर परीक्षणमा उनको रिपोर्ट नेगेटिभ आएको हो ।
