काठमाडौँ ३० जेठ : नेपाली नायिका निरिशा बस्नेत कोरोना भाइरसबाट संक्रमित भएकी छिन्। उनले आफूलाई कोरोना भाइरसको संक्रमण भएको विषयलाइ सामाजिक संजालमार्फत् जानकारी गराएकी हुन् ।
नायिका बस्नेतले आफ्नो भिडियो पोस्ट गर्दै कोरोना संक्रमित भएको र अस्पतालमा उपचारको क्रममा रहेको बताएकी छिन् । आफु उपचार गराइरहेको र अहिले आत्तिनुपर्ने अवस्था नरहेको बताएकी छिन् ।
नायिका बस्नेत भारतीय टेलीभिजन शो ‘प्रेम नन्दिनी’ सहित थुप्रै टेलिसिरियलमा नायिका भएर काम गरिसकेकी छन् । उनी दुई वर्षअघि फिल्म ‘जानी नजानी’ को सुटिङ र रिलिजका क्रममा नेपाल आएकी थिइन् ।
