नयाँ दिल्ली, ३२ जेठ । बलिउडका चर्चित अभिनेता सुशान्त सिंह राजपूतले आत्महत्या गरेका छन् । मुम्बईस्थित् आफ्नै घरमा झुण्डिएर उनले आत्महत्या गरेको भारतीय सञ्चारमाध्यमहरुले जनाएका छन् । उनले आत्महत्या गरेको कुरा उनको घरमा काम गर्ने सहयोगीले मुम्बई प्रहरीलाई खबर गरेका थिए ।
सुशान्त सिंह राजपूतको जन्म पटनामा भएको थियो । सुशान्तले आफ्नो करियर सुरुवात् ब्याकअप डान्सरको रुपमा गरेका थिए । ‘पवित्र रिश्ता’ टिभी सिरियलमार्फत् उनले चर्चा पाए । उनले काय पो चे, शुद्ध देसी रोमान्स, पीके र केदारनाथ फिल्ममा काम गरेका छन् । आत्महत्याको विषय अझ प्रष्ट नरहेको जनाइएको छ।
