एजेन्सी, ३२ जेठ । बलिउड अभिनेता सुशान्त सिंह राजपुतको निधनप्रति भारतीय प्रधानमन्त्री नरेन्द्र मोदीले गहिरो दुःख व्यक्त गरेका छन् । उनले आज ट्वीट गर्दै उनको निधनले मर्माहत भएको बताएका छन् ।
मोदीले सुशान्तप्रति श्रद्धाञ्जली प्रकट गर्दै परिवार र फ्यानप्रति समवेदना व्यक्त गरेका छन् । मोदीले सुशान्त भविष्य बोकेका युवा कलाकार भएको भन्दै मनोरञ्जनको दुनियाँमा धेरैका लागि प्रेरणाको स्रोत भएको लेखेका छन् ।
आज मुम्बईस्थित घरमै सुशान्तले आत्महत्या गरेको प्रारम्भिक अनुसन्धानबाट पत्ता लागेको प्रहरीले जनाएको छ । उनले झुण्डिएर आत्महत्या गरेको बताइएको छ । ३४ वर्षीय सुशान्तका बाबु र चार जना दिदीहरु छन् ।
