कैलाली, ५ असार । जुवातास खेलिरहेको अवस्थामा ७ जनालाई बिहीबार दिउँसो प्रहरीले पक्राउ गरेको छ । घोडाघोडी नगरपालिका सुख्खडका करन थापाको घरमा जुवातास खेलिरहेको अवस्थामा सोही नगरपालिकाका अक्कल बहादुर शाही लगायत ७ जना नगद ८ लाख ९३ हजार ५० रुपैयाँ, मोबाइल ७ थान र तास १ गड्डी सहित पक्राउ परेका हुन् ।
थापाको घरमा जुवातास खेलिरहेको भन्ने सूचनाको आधारमा सुदूरपश्चिम प्रदेश प्रहरी अनुसन्धान र ईलाका प्रहरी कार्यालय सुखडबाट खटिएको प्रहरीले उनीहरुलाई जुवातास खेलिरहेको अवस्थामा फेला पारी पक्राउ गरेको प्रहरीले जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
