सर्लाही, १० असार । लागूऔषध गाँजा सहित २ जनालाई मंगलबार राति प्रहरीले पक्राउ गरेको छ । बरहथवा नगरपालिका बस्ने जुलेड अन्सारी र सोही नगरपालिका बस्ने उमेश शाह लागूऔषध गाँजा करिब २ केजी सहित पक्राउ परेका हुन् ।
बरहथवा नगरपालिका स्थित उमेश शाहको कुखुराको फर्ममा प्लाष्टिकले बेरिएर राखेको अवस्थामा उक्त अवैध लागूऔषध गाँजा सहित फेला पारी ईलाका प्रहरी कार्यालय बरहथवाबाट खटिएको प्रहीले उनीहरुलाई पक्राउ गरेको जनाएको हो । यस सम्बन्धमा प्रहरीले आवश्यक अनुसन्धान गरिरहेको बताएको छ ।
