एजेन्सी, १० असार । उतरी पूर्वी मस्कोको एउटा अपार्टमेन्टमा बस्ने एक चिनियाँ महिलालाई प्रहरी पक्राउ गरेको छ । महिलाको अपार्टमेन्टबाट पाँच वटा नवजात शिशुहरु फेला परेपछि उनलाई मस्को प्रहरीले पक्राउ गरेको हो ।
मंगलबार उक्त अपार्टमेन्टबाट छ दिन देखि छ महिनासम्मको पाँच शिशुहरु फेला परेको प्रहरी उच्च अधिकारीहरुले जनाएका छन् । उक्त अर्पामेन्टमा चिनियाँ महिलासंग दूई जना अरु महिला समेत रहेको प्रहरीले जनाएको छ ।
सम्पूर्ण महिला मण्डलीमाथि मानव तस्करीको मुद्दा चलाइनेछ । शिशुहरुलाई चिनियाँ महिलाका लागी सरोगेसीको प्रक्रियाबाट जन्माइएको प्रहरीले पुष्टि गरेको गरेको छ । बच्चाहरुको अवस्था सामान्य र सुरक्षीत रहेको जनाइएको छ । बच्चाहरुलाई स्वास्थ्य परिक्षणका लागि अस्पताल ल्याइने छ । महिलालाई मस्को प्रहरीले अनुसन्धानका लागि प्रहरी चौकी ल्याइएको छ ।
