काठमाडौं, १२ असार । आजबाट नेपालको जनसंख्या ३ करोड नाघेको छ । तथ्यांक विभागले तीन करोड नाघेको जानकारी दिएको हो ।
तथ्यांक विभागको वेवसाइटमा नेपालको जनसंख्या ३ करोडभन्दा बढी उल्लेख छ । तथ्यांक विभागको वेबसाइटमा राखिएको क्याल्कुलेटरले शुक्रबार नेपालको जनसंख्या ३ करोड ६३४ देखाएको छ ।
सन् २०११ को जनगणनामा नेपालको जनसंख्या २ करोड ६४ लाख ९४ हजार ५ सय ४ थियो। वेबसाइटमा राखिएको क्याल्कुलेटरमा फर्मुला राखिएको छ, जसले जन्मदर, मृत्युदर र बसाइँसराइ दरको हिसाब गर्छ।
नेपालको औपचारिक रुपमा जनगणना आगामी वर्ष हुनेछ ।
