रौतहट, १९ असार । मोटरसाइकल चोरी गरी लैजाँदै गरेको अवस्थामा २ जनालाई बिहिबार राति प्रहरीले पक्राउ गरेको छ । देवाही गोनाही नगरपालिका टिकुलिया बकैया पुल नजिकै सडकमा पार्किङ गरी राखेको को.११ प २६६७ नम्बरको मोटरसाइकल चोरी गरी लैजाँदै गरेको अवस्थामा २ जना पक्राउ परेका हुन् ।
पक्राउ पर्नेहरुमा बौधिमाई नगरपालिका बौधा बस्ने रमेश राय यादव र रम्भु कुमार यादव रहेका छन् । मोटरसाइकल चोरी गरी डो¥याउँदै मौलापुरतर्फ लैजाँदै गरेको अवस्थामा ईलाका प्रहरी कार्यालय देवाही गोनाहीबाट खटिएको प्रहरीले उनीहरुले उक्त मोटरसाइकल सहित फेला पारी पक्राउ गरेको बताएको छ । यस सम्बन्धमा प्रहरीले थप अनुसन्धान गरिरहेको जनाएको छ ।
