काठमाडौं, असार २४ । कोरोना भाइरसको संक्रमणका कारण विश्वमा ज्यान गुमाउनेको संख्या ५ लाख ४५ हजार नाघेको छ । विश्व स्वास्थ्य संगठनका अनुसार कोरोनाका कारण विश्वभर बुधबार विहानसम्म ज्यान गुमाउनेको संख्या पाँच लाख ४५ हजार ६ सय ५१ पुगेको जनाएको छ ।
त्यस्तै विश्वभर कोरोना संक्रमितको संख्या एक करोड १९ लाख ४१ हजार पाँच सय ९२ पुगेको छ । हालसम्म विश्वभर ६८ लाख ४४ हजार नौ सय ७३ जनाले कोरोना जितिर घरफर्किएका छन् ।
कोरोनाले सबैभन्दा धेरै ज्यान गुमाउने देशको सूचीमा अमेरिका पहिलो नम्बरमा छ । दोस्रोमा ब्राजिल, तेस्रोमा भारत, चौथोमा रसिया र पाँचौमा पेरुमा सबैभन्दा धेरै संक्रमित देखिएका छन् ।
अमेरिकामा सोमबारसम्म एक लाख ३३ हजार नौ सय ७१ मानिसले ज्यान गुमाइसकेका छन ।त्यस्तै, ब्राजिलमा ६६ हजार आठ सय ६८, भारतमा २० हजार ६ सय ५३,रसियामा १० हजार चारसय ९४ र पेरुमा१० हजार नौ सय ९२ जनाले कोरोना संक्रमणका कारण ज्यान गुमाई सकेका छन् ।चीनबाट सुरु भएको कोरोना भाइरसको संक्रमण विश्वका २१६ देशमा फैलिसकेको विश्व स्वास्थ्य संगठनले जनाएको छ ।
