काठमाडौं, २९ असार । नियन्त्रित लागूऔषध सहित २ जना आइतबार साँझ पक्राउ परेका छन् । जनकपुर कपिलेश्वर मन्दिर अगाडि पुलचोक जाने बाटोबाट नियन्त्रित लागूऔषध नाईट्रोभेट ट्यावलेट एक सय ५५ पिस सहित २ जनालाई प्रहरीले पक्राउ गरेको हो ।
पक्राउ पर्नेहरुमा महोत्तरी गाउँपालिकाका सोगिन्द्र महतो र आषिष मंडल रहेका छन् । प्रहरी चौकी कपिलेश्वरबाट कटिएको प्रहरीले उनीहरुलाई उक्त परिमाणको लागूऔषध सहित फेला पारी पक्राउ गरेको जनाएको छ ।
त्यस्तै सिरहा बरियारपट्टिबाट नियन्त्रित लागूऔषध अल्प्राजोल्याम ट्याबलेट १ हजार ८ सय पिस र पेन्टाजोसाईन २ सय ८६ एम्पुल सहित बरियारपट्टी श्रीपुरका चन्दन कुमार यादवलाई आइतबार साँझ प्रहरीले पक्राउ गरेको छ । ईलाका प्रहरी कार्यालय बरियारपट्टी सिरहाबाट खटिएको प्रहरीले उनलाई उक्त परिमाणको लागूऔषध सहित फेला पारी पक्राउ गरेको जनाएको छ ।
यसैगरी सिरहा, लाहान स्थित सडकबाट नियन्त्रित लागूऔषध डाइजेल्याब ४६ एम्पुल, फेनारागन ४७ एम्पुल र नोर्फिन ४६ एम्पुल सहित नवराजपुरका रामपुकार शर्मालाई आइतबार बिहान प्रहरीले पक्राउ गरेको छ । ईलाका प्रहरी कार्यालय लहानबाट खटिएको प्रहरीले अनटेष्ट लेखिएको मोटरसाइकल जाँच गर्ने क्रममा मोटरसाइकल चालक शर्मालाई उक्त परिमाणको लागूऔषध सहित फेला पारी पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको जनाएको छ ।
